Veiðimaðurinn Birgir Már Bragason landaði og sleppti c.a. 20 punda laxi úr Bakkahyl síðastliðinn þriðjudag. Hannes Bald sendi okkur þessa mynd af veiðimanni og laxi. Baráttan við laxinn stóð í tæpan klukkutíma en laxinn tók rauða frances 1/2″ keiluhaus. Gaman væri ef fleiri sendu okkur myndir og texta um Fljótaá.Fundur í Þjónustumiðstöðinni
26 August, 2010 | Fréttir | Engar athugasemdir
Fundur, klakkistur og mýfluga
16 August, 2010 | Fréttir | Engar athugasemdir
Félagar í Stangveiðifélagi Siglfirðinga, fundur verður haldin í bláa húsinu norðan megin við Hannes Boy Cafe föstudaginn 27. ágúst næstkomandi kl. 20:00. Dagskrá fundarins er að hittast og ræða málin, sem sagt að eiga skemmtilegt kvöld. Nú líður að því að klakkistur verða settar niður á báðum bökkum við Bakkahyl og eru veiðimenn beðnir um að setja laxfiska í þær. Rétt er að geta þess eins og myndin af Orra Vigfússyni sýnir að mýflugan er grimm um þessar mundir. Nú styttist í að Fljótaá nái 200 löxum. Eftir 15. ágúst hefst veiði seinnipartinn kl. 15:00.Frábær vakt í Fljótaá
1 August, 2010 | Fréttir | Engar athugasemdir
Föstudaginn 30. júlí fórum við bræður ásamt syni mínum í Fljótaá. Ekta veiðiveður var þennan dag. Við áttum seinni vakt á svæði eitt og þrjú. Bróðir minn fékk tvo fiska í efri og neðri Prestlænum ásamt nokkrum bleikjum. Við feðgar vorum á svæði eitt og lentum í flottri veiði. Við settum í sjö laxa og lönduðum þeim öllum ásamt því að ná um tuttugu bleikjum. Það var fiskur útum allt og þeir voru í mikilli sýningarþörf þennan eftirmiðdag. Mesta fjörið var undir Klöpp, en þar náðum við þremur löxum. Einn fékks í Bakkahyl, einn á Steinseyrarbreiðu, einn í Ármótahyl og einn á Breiðunni fyrir ofan Ármótahyl.Stærsti fiskurinn náðist á Klöppinni og var það 85 cm hrygna. Hún var erfið viðureignar og sýndi sig ekki fyrr en eftir 15-20 mín, kafaði djúpt og synti upp strauminn (á tímabili hélt ég að hér væri um risalax að ræða). Þegar hún fór svo að þreytast sá ég hvar glitti í bleikt á hliðinni á hrygnunni. Þegar henni var landað kom í ljós að hún var með mikið og ljótt sár á hliðinni, líklega eftir sel. Hún fékk nú samt að njóta vafans og fékk að synda aftur útí hylinn sinn. Næst stærsti fiskurinn kom líka á klöppinni og var það 77 cm hrygna sem sonur minn landaði einn og óstuddur. Einn af þessum sjö löxum var grá-lúsugur, smá hængur.
Allir fiskarnir á svæði eitt komu á svartar flugur, svört frances, svört snælda og sunrey með keilu. Á svæði þrjú komu fiskarnir á rauða frances með keilu. Bleikjan var óð í allt sem fór í vatnið og oft vorum við að setja í bleikju þegar við vorum að reyna við lax sem hafði sýnt sig. Sem sagt frábær dagur í Fljótánni.
Kveðja Róbert Haraldsson.
30.júl Fljótá
Klöppin Hrygna 85 cm Sunrey m. keilu Selbit
Klöppin Hrygna 77 cm Sunrey m. keilu Kristófer Róbertsson
Klöppin Hrygna 65 cm Sunrey m. keilu
Steinseyrarbreiða Hrygna 63 cm Svört snælda
Breiðan Hængur 64 cm Svört snælda
Bakkahylur Hængur 61 cm svört frances
Ármótahylur Hrygna 50 cm Sunrey Lúsug
Efri Prestlænur Hrygna 60 cm r. Frances m. keilu Aron Tómas Haraldsson
Neðri Prestlænur Hrygna 65 cm r. Frances m. keilu Aron Tómas Haraldsson
Svæði 1. 17 Bleikjur – alls staðar – alls konar flugur.
Svæði 3. 6 Bleikjur – Efri og neðri Prestlænur – rauð frances með keilu
Góð veiði um helgina
1 August, 2010 | Fréttir | Engar athugasemdir
Fljótaá hefur verið félagsmönnum gjöful nú um helgina, reikna má með að um 30 laxar hafi veiðst og eins og málarinn sagði þá var varla hægt að kasta flugunni útí á sumum stöðum því það var bleikjan búin að taka. Laxinn sem hefur veiðst nú um helgina hefur oftar en ekki verið grálúxugur og tekið hinar ýmsu flugur.
Nýr vefur salmon.is
1 August, 2010 | Fréttir | Engar athugasemdir
Þá er nýji vefurinn loksins kominn í loftið og munum við nota hann óspart til að miðla upplýsingum til félagsmanna. Veiðin í Fljótaá hefur farið með ágætum af stað á flestum svæðum. Nú nálgast veiðin á laxi um 115 stk. og mikil og góð bleikju veiði hefur verið á öllum svæðum. Þess ber þó að geta að það er aðeins leyfð 1 stöng á hverju svæði og ef menn verða fyrir því að lax drepist hjá þeim ber að skila honum til veiðivarðar sem er Halldór á Molastöðum. Nú geta þeir sem búa á Siglufirði skráð sína veiði hjá Gulla Stebba í Sparisjóðinum.Mun Fljótaá slá met sitt í ár?
29 July, 2010 | Fréttir | Engar athugasemdir
Ritstjóri með 77 cm hæng, 4,8 kg samkvæmt kvarðanum, en skráður 5 kg, sem sagt 10 pund og byggt á þreklegum vexti. Laxinn tók Black and Blue hálfs tommu keilu í Neðri Prestlænu en var landað miklu neðar eftir æsilegan eltingarleik niður hraðar flúðir.Fljótaá í Fljótum er gersamlega pökkuð af fiski. VoV Stóð óvænt til boða að veiða í ánni tvær vaktir og það er óhætt að segja að það var ekki friður fyrir fiski. Áin er fullsetin af bæði sjóbleikju og laxi, en samt er enn fiskur að ganga og mjög góður veiðitími eftir.
Að sögn Orra Vigfússonar, sem leigir ána ásamt Stangaveiðifélagi Siglufjarðar, þá er þetta allra besta veiði sem verið hefur í ánni frá því að samstarfið hófst. „Fljótaá er ekkert allra og hún er sums staðar erfið, en það er mikið af fiski í henni í sumar og menn hafa yfirleitt verið að gera það gott,“ sagði Orri. Meira